Sotrasambandet og BKK inviterer til digitalt informasjonsmøte om riving av høgspentmaster mellom Breivik og Litlesotra.
Arbeidet med å leggje 4,5 km nye strømkablar for Sotrasambandet er ferdig (sjå video). I mai startar riving av dei ni høgspentmastene som står i traseen der ny bru til Sotra skal byggast. Nokre stader blir linene senka til bakken, kappa og spola inn på ein hjullastar for å bli frakta ut av området.
Dei to mastene nærast sjøen på Drotningsvik-sida skal fjernast ved hjelp av sprengstoff. Den største masta er over 80 meter høg og blir sprengt ned frå midten. Dato for sprenging av dei to mastene er 20. mai og 26. mai.
BKK har vakter ute i området før, under og etter sprenginga, og dei vil varsle alle grunneigarar og bebuarar i området i god tid med informasjon om arbeidet som skal utførast og tidspunkt for sprenging.
Dei andre mastene vert velta ved bruk av vinsj eller gravemaskin.