Etter to år med pandemi er Gründerparken Vest i gang med ein restart. Målet er at det faglege innhaldet og hjelpa til gründerane skal bli større, og konseptet tydelegare. Eit anna viktig mål for året er å knytta til oss fleire som kan ha nytte av eit fagleg og kreativt oppstartsmiljø. Vest Næringsråd har oppdraget med å drifta gründerparken på vegne av kommunen, og i løpet av hausten skal avtalen evaluerast. Det er for tida 14 bedrifter knytt til Gründerparken Vest avdeling Straume, og to bedrifter knytt til avdeling Ågotnes. Til saman rundt 20 arbeidsplassar.
