Marianne Furheim gjekk til topps blandt 17 søkjarar, og blir den første næringssjefen i Øygarden kommune.
– Vi får ein dyktig næringssjef som kjenner både øygardssamfunnet og næringslivet her ute godt, seier kommunedirektør Johnny Breivik.
Kommunen skriv på nettsidene sine at Furheim har brei arbeidserfaring innan bygg og anlegg, og har engasjert seg i bransjen med verv i organisasjonar som Vest Næringsråd, Bergen Næringsråd og Byggmesterforbundet.
– Eg gler meg til å bli kjent med kommunen som organisasjon og arbeidsplass. Der vil eg møta mange nye kollegaer. Eg veit at det er mange dyktige tilsette i Øygarden kommune, seier Marianne Furheim.
