3,5 nye millionar til næringslivet

For tredje gong deler Regjeringa ut kompensasjonsmidlar til næringslivet som følge av pandemien. Denne gongen får Øygarden litt over 3,5 millionar kroner til å fordele vidare. – Vi jobbar framleis med fordelingsmodellen for den tredje runden, slik at den blir mest mogleg treffsikker. Dette kan vere verksemder innan bransjar som lever av å samle menneske, til dømes reiselivsnæringa og arrangements- og serveringsbransjen, seier Ove Trellevik til Vestnytt.