Kven fortjener eit klapp på skuldera?

Kven meiner du har gjort ein ekstra innsats for næringslivet i regionen det siste året? No kan du vere med og løfte fram dei som fortener det!

Vest Næringsråd deler ut prisane «Årets bedrift» og «Årets fyrtårn» på årsfesten 7. november – og vi vil gjerne ha dine forslag!

Årets bedrift - firmaprisen

«Årets bedrift» er ein 27 år gammal pris i Vest Næringsråd. Kvart år har vinnaren vore med og styrka og utvikla næringslivet i regionen. (Sjå lista over alle tidlegare vinnarar nederst på sida)

Juryen består av styret i Vest Næringsråd, og dei skal gjera ei helheitsvurdering der følgjande ligg til grunn:

God utvikling og lønsemd
Fokus på berekraft og kvalitet
Sterk servicekultur og godt omdømme
Innovasjon og produktutvikling
Aktiv marknadsføring og eksport

Har du eit firma i tankane som har gjort seg bemerka i 2025? Send inn ditt forslag til kari-anne@vnr.no. Frist: 1. oktober.

Prisen blir delt ut på årsfesten til Vest Næringsråd, fredag 7. november på Panorama Hotell & Resort.

Bilde frå utdelinga av Årets bedrift i 2024

Årets fyrtårn - personprisen

Denne prisen går til ein person som har gjort ein spesiell positiv forskjell for næringslivet eller lokalsamfunnet – gjennom sitt arbeid, engasjement eller leiarskap.

Kanskje du kjenner nokon som har vore ein inspirerande drivkraft i regionen?

Denne prisen blei første gong delt ut i 2018. Då var det Kåre Bjorøy som blei heidra, medan prisen i 2019 blei delt mellom dei tre ordførarane Kari-Anne Landro, Marianne Sandahl Bjorøy og Børge Haugetun, som slo saman dei tre kommunane. I 2020 fekk Sotra Gruppen-gründer Jarle Vindenes prisen, medan primus motor for Krafttak mot kreft, Hans Jarle Einarsen fekk prisen i 2021. I 2022 var det Ottar Vik som blei heidra, og i 2023 fekk Kurt Andreassen prisen. I 2024 var det Ingvild Skorpen Bøge på Porsvika 125 som fekk prisen.

Forslag til kandidat, med grunngjeving, sender du til kari-anne@vnr.no. Frist: 1. oktober.

Her er alle tidlegare prisvinnarar av Årets bedrift: