Tysdag fekk Revisor Vest og Controller Vest tildelt Miljøfyrtårnsertifikat. Dei to bedriftene held til i næringsparken på Straume, og har rundt 15 tilsette. – Eg må vedgå at det var litt meir omfattande arbeid med dette enn det eg trudde, seier Edle Florvåg, i Controller Vest. Det var ordførar Tom Georg Indrevik som sto for utdelinga. Han meiner det er viktig at så mange bedrifter som mogleg sertifiserer seg.
