Øygarden næringsutvikling har berre fått inn 53 søknader om krisemidlar, men trur det er langt fleire som kan ha behov for støtte. Til Vestnytt seier dagleg leiar Anita Mannes at dei som har søkt slit skikkeleg. – Det vil vera frykteleg trasig viss det er bedrifter der ute som treng pengar og er kvalifiserte søkjarar, men ikkje veit at det fins pengar å søkja på, seier ho. Kommunen har denne gongen 14 millionar kroner til utdeling, og søknadsfristen går ut måndag 31. mai.
