Det er morgon. Vi har passert midten av juni. Regnet har skylt over landskapet i løpet av natta, men
no har det tørka opp. Sola pressar seg gjennom skydekket og temperaturen nærmar seg tjue pluss.
Vi er ute.
Ute for å treffe næringsaktørar og medlemmar.
Vi smakar på lokalprodusert surmjølk og ost. Vi lyttar og høyrer om verkemiddelapparatet, kostnadsnivå, marknadsplanar og verdiskaping.
Nytt besøk.
Fleire perspektiv. Jakta på investorar, vurdering av lønnsemd og verknadar av
skattepolitikk.
Vi tøffar vidare i båt. Det er stilt på sjøen. Tid for å reflektere over det vi har høyrd og det vi har
snakka om. Vi treng sånne møte.
Kvifor treng vi det?
Vi treng det for å vera relevante. Vi treng det slik at vi får løfta fram saker som medlemmane er
opptatt av. Vi treng det for å skape nyttig innhald og gode møteplassar. Det er mange medlemmer
som ønskjer å bidra til at vi lærer av kvarandre og saman vidareutviklar næringslivet i Øygarden.
Det er ein bærebjelke i nettverket vårt.
Treffpunkta med medlemmane har mange former. Telefonsamtalar, e-postar, møte, besøk, treff og
arrangement.
Vi treng det, så ikkje nøl med å ta kontakt.
Til hausten ventar nye oppgåver og moglegheiter som fremjar næringslivet.
Vi gler oss, men først: Takk for godt samarbeid så langt i 2023.
Vi ønskjer alle medlemmar og samarbeidspartnarar riktig god sommar og ferietid.
Beste helsing
Kari-Anne og Anders
