I 2023 var det Solidenergy på Ågotnes som vann prisen Årets Bedrift.

Har du forslag til heidersprisane?

edit Anders Ekanger today 20.09.2024

Er det ei bedrift du meiner har utmerka seg positivt det siste året? Eller kanskje tenkjer du på ein person i næringslivet som fortjener å bli heidra?

Vi treng forslag til «Årets bedrift» og «Årets fyrtårn»!

Heidersprisen «Årets Bedrift» er ein 26 år gammal pris i Vest Næringsråd. Kvart år har vinnaren vore med og styrka og utvikla næringslivet i regionen. (Sjå lista over alle tidlegare vinnarar nederst på sida)

Juryen består av styret i Vest Næringsråd, og dei skal gjera ei helheitsvurdering der følgjande ligg til grunn:

• Berekraft
• Utvikling og lønsemd
• Serviceinnstilling
• Produktutvikling
• Sal/marknadsføring inkludert eksport
• HMS og kvalitet
• Profil og omdømme

Prisen blir delt ut på årsfesten til Vest Næringsråd, fredag 8. november på Panorama Hotell & Resort.

Forslag til kandidat, med grunngjeving, sender du til kari-anne@vnr.no

Fyrtårnet – personprisen

Heidersprisen «Årets fyrtårn» blei første gong delt ut i 2018. Formålet er å heidre ein person, som anten gjennom selskap eller organisasjon har hatt ein spesiell positiv betydning for regionen.

I 2018 var det Kåre Bjorøy som blei heidra, medan prisen i 2019 blei delt mellom dei tre ordførarane Kari-Anne Landro, Marianne Sandahl Bjorøy og Børge Haugetun, som slo saman dei tre kommunane. I 2020 fekk Sotra Gruppen-gründer Jarle Vindenes prisen, medan primus motor for Krafttak mot kreft, Hans Jarle Einarsen fekk prisen i 2021. I 2022 var det Ottar Vik som blei heidra, og i 2023 fekk Kurt Andreassen prisen.

Forslag til kandidat, med grunngjeving, sender du til kari-anne@vnr.no

Her er alle tidlegare prisvinnarar av Årets bedrift: